Taikef hør, goar is Khor Bycied.

大家好, 我是 Khor, Bycied (許美節) .

Kin’afjit, goar bøeq ka lirn korng: “Khix Assateague-tør loxviaa”.

今仔日, 我欲給 lirn 講 “去Assateague 島露營.”

Assateague-tør ti Ocean City ee lampeeng.

Assateague 島在 Ocean City 的南邊.

Y ee tangpeeng si Toaxseviuu, saipeeng si Sinepuxent Bay.

它的東邊是大西洋, 西邊是 Sinepuxent Bay.

Tør ee pakpeeng si Maryland`ee.

島的北邊是 Maryland 的.

Lampeeng tø si oar Virginia kvoafbea siuzuie ee Chincoteague-tør.

南邊就是靠近 Virginia 趕馬游水的 Chincoteague 島.

Assateague si Maryland ui’id ti haypvy loxviaa ee tør.

Assateague 是 Maryland 惟一在海邊露營的島.

Gurn cviaa høfun, øextaxng ti kinnii 8-gøeh khix hiaf loxviaa.

我們誠好運, 可以在今年八月去那ㄦ露營.

 

Assateague u cviazøe iafsefng ee toxngbut.

Assateague 有誠多野生的動物,

U ti thviterng pøef`ee, ti thokhaf pee`ee, ti zuie`nih siuu`ee.

有在天頂飛的, 在土下爬的, 在水底游的.

Taixkef lorng zaiviar hiaf u iafbea, iawu cidciorng Taioaan ma uxee log’ar.

大家攏知影那ㄦ有野馬, 還有一種台灣也有的鹿仔.

U cidciorng hayciao, søeasøeaky ee khaf, zao ciog kirn,

有一種海鳥, 細細隻的腳, 走足快.

Y ciog aix zao ho haysuie jiog, hayzuie jiog bøextiøh`y.

尹足愛走乎海水追, 海水遂追不到尹.

Iawu cidciorng sea gull, pie itpvoaf ee sea gull khaq toaxciaq.

還有一種 sea gull, 比一般的 sea gull 較大隻.

Kiøx`khylaai ee sviaf ciog toaxsviaf, chinchviu haypvy ee køekafng,

叫起來的聲足大聲, 親像海邊的雞公,

Thaozar tø ka gurn lorng zhafzhar`khylaai, cincviax si zhafsylaang.

透早就給我們吵吵起來 , 真正是吵死人

Ti hiaf, gurn ma u khvoartiøh cidtin ciog toaxtin ee hayty,

在那ㄦ, 我們嘛有看到一陣足大陣的海豬,

Yn ti haypvy tøex hayerng ti thiaux`aq thiaux, tuy lampeeng thiaokaux pakpeeng`khix.

他們在海邊隨著海浪在跳啊跳, 從南邊跳到北邊去.

Gurn ma u khvoartiøh soahii.

我們嘛有看到鯊魚.

Kab gurn kaang cidee viatøe ee zhuopvy, ti Paelak-axm khix tiørhii,

和我們同一個營地的厝邊, 在拜六晚去釣魚,

Kerngjieen tiørtiøh cidbøea 1-kongchiøq tngg ee soahii.

竟然釣到一尾一公尺長的鯊魚.

 

Laang korng Assateague ee bafng’ar cviaa phvae.

人講 Assateague 的蚊仔誠歹.

Goar kafmkag gurn-taw goaxkhao ee bafng’ar pie hiaf ee bafng’ar khaq phvae, køhkhaq tok,

我感覺我兜外面的蚊仔比那ㄦ的蚊仔較歹, 閣較毒,

ma køhkhaq toaxciaq.

嘛閣較大隻.

Assateague cincivax si cidee cyn høfsngr ee sofzai.

Assateague 真正是一個真好耍的所在,

Ti hiaf, mxnar øextaxng kab iafsefng ee toxngbut toax zørhøea,

在那裡 , 不但可以跟野生的動物住作伙,

ma øextaxng khiaa thihbea khiaa kaux Chincoteague,

嘛可以騎鐵馬騎到 Chincoteague,

iawkøq u cyn høfsngr ee hayerng kab hayzuie.

還閣有真好耍的海浪和海水.

Tøsia taixkef!!

多謝大家!!